#partiademokratike #jolldizmitro #kryesiaepd
Që prej orës 17:00 të ditës së sotme, grupi parlamentar i Partisë Demokratike është mbledhur në selinë blu. Në nisje të kësaj mbledhje, fjalën fillimisht e ka mbajtur kryetari i PD-së, Sali Berisha.
Për të dhënë më shumë detaje rreth asaj që është duke u diskutuar në mbledhjen e grupit parlamentar të PD-së, gazetarja Jolldiz Mitro ka zhvilluar një lidhje direkte për edicionin e lajmeve në Tv Klan nga selia blu.
Reis Çiço: Në këtë mbledhje të PD-së çfarë po diskutohet?
Jolldiz Mitro: Ka nisur që prej orës 17:00 mbledhja e Kryesisë së Partisë Demokratike, e cila vjen pas protestës së 6 Dhjetorit dhe zgjedhjeve të primareve në selinë blu. Mbledhja e thirrur nga kryetari i Partisë Demokratike, Sali Berisha kishte në fokus 2 çështje: Proçesin e primareve që sipas kryedemokratit u cilësua transparente, që i njëjti standard duhet të ndiqet edhe në përzgjedhjen e kandidatëve për këshilltarë bashkiakë. Jo pak, Berisha ironizoi procesin që po zhvillohet në kampin kundërshtar, në Partinë Socialiste që sipas tij, kandidatët për kryetarë bashkie dhe për deputetë zgjidhen përmes krimit dhe drogës.
Berisha në mbledhjen e selisë blu që po zhvillohet akoma foli dhe për zhvillimet politike në vend. Sipas tij, kryeministri Rama e ka kthyer shtetin e vendin në një “Republikë Bananesh” dhe për këtë arsye kërkoi mobilizimin e të gjithë strukturave të Partisë Demokratike dhe demokratëve pasi sipas Berishës, e vetmja mënyrë për të rrëzuar Ramën nga pushteti është revolucioni.
Berisha iu kthye dhe njëherë sulmit që iu bë atij në protestën e 6 Dhjetorit, duke e cilësuar atë një atentat shtetëror, sipas të cilit ishte i orkestuar nga Kryeministri Rama dhe kishte një qëllim të vetëm: asgjësimin e opozitës.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
