დროა, საქართველოს ხელისუფლებამ აღადგინოს საზოგადოების ნდობა და შესაძლოა, განიხილოს ახალი არჩევნების ჩატარება ეუთო-ს რეკომენდაციების საფუძველზე, – ამის შესახებ კი ნიდერლანდების საგარეო საქმეთა მინისტრი წერს. „მივესალმები სალომე ზურაბიშვილის ლიდერობას და მის მტკიცე ერთგულებას საქართველოს ევროპული კურსისადმი. უკვე ერთი თვეა, ქართველები მშვიდობიანად იცავენ თავიანთ დემოკრატიულ და ევროპულ მომავალს ქუჩებში, ძალადობისა და დაშინების მიუხედავად. არცერთ მთავრობას არ შეუძლია, უგულებელყოს მათი მოწოდება. ეუთო-ს დემოკრატიული ინსტიტუტებისა და ადამიანის უფლებების ოფისმა დაადასტურა სერიოზული საარჩევნო დარღვევები, ასევე სავარაუდო გაყალბების გამოძიების ნაკლებობა. დროა, საქართველოს ხელისუფლებამ აღადგინოს საზოგადოების ნდობა დემოკრატიული ინსტიტუტების მიმართ ეუთო-ს რეკომენდაციების განხორციელებით“, – წერს კასპერ ველდკამპი სოციალურ ქსელში.
ეწვიეთ ჩვენს საიტს - [ Ссылка ]
მოიწონეთ ჩვენი გვერდი - [ Ссылка ]
გამოიწერეთ ჩვენი არხი - [ Ссылка ]
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.
