Наманган вилояти Тўрақўрғон туманида яшовчи Нафиса Юнусова ва Абдукамол Аҳмаджонов бирйўла тўрт эгизакнинг ота-онасига айланди.

Туғуруқ жараёни Республика ихтисослаштирилган она ва бола саломатлиги илмий-амалий тиббиёт маркази Наманган филиалида маҳоратли шифокорлар назорати остида жарроҳлик амалиёти орқали, асоратсиз бажарилган.

Эгизакларнинг 2 нафари ўғил ва 2 нафари қиз бўлиб, айни пайтда уларнинг умумий аҳволи қониқарли. Она ва чақалоқлар малакали мутахассислар назорати остида. Оилага бир олам қувонч олиб келган гўдаклар белгиланган стандартлар асосида парваришланмоқда.

Бахтиёр отанинг айтишича, уларнинг авлодида қўш фарзандлар туғилиши кўп кузатилган, аммо 4 эгизакнинг дунёга келиши биринчи марта учрамоқда.

Namangan viloyati To‘raqo‘rg‘on tumanida yashovchi Nafisa Yunusova va Abdukamol Ahmadjonov biryo‘la to‘rt egizakning ota-onasiga aylandi.

Tug‘uruq jarayoni Respublika ixtisoslashtirilgan ona va bola salomatligi ilmiy-amaliy tibbiyot markazi Namangan filialida mahoratli shifokorlar nazorati ostida jarrohlik amaliyoti orqali, asoratsiz bajarilgan.

Egizaklarning 2 nafari o‘g‘il va 2 nafari qiz bo‘lib, ayni paytda ularning umumiy ahvoli qoniqarli. Ona va chaqaloqlar malakali mutaxassislar nazorati ostida. Oilaga bir olam quvonch olib kelgan go‘daklar belgilangan standartlar asosida parvarishlanmoqda.

Baxtiyor otaning aytishicha, ularning avlodida qo‘sh farzandlar tug‘ilishi ko‘p kuzatilgan, ammo 4 egizakning dunyoga kelishi birinchi marta uchramoqda.

#egizaklar #uzbekistan #namangan

свернуть