GREGORIAN CHANTS
CANTOS GREGORIANOS
Please share, like and subscribe!
Pray the holy Rosary everyday 🙏🏼
¡Por favor dale like, comparte y suscribete!
Reza el santo Rosario todos los días 🙏🏼
performed by the Benedictine Nuns of St. Cecilia's Abbey~
00:00 -- 00:55 (Antiphon : Ecce nunc)
(Ecce nunc tempus acceptabile,)
ecce nunc dies salutis:
in his ergo diebus exhibeamus nosmetipsos
sicut Dei ministros in multa patientia, in ieiuniis,
in vigiliis, et in caritate non ficta.
00:55 -- 02:42 (Vexilla Regis)
Vexilla Regis prodeunt;
fulget Crucis mysterium,
quo carne carnis conditor
suspensus est patibulo.
O Crux ave, spes unica,
hoc Passionis tempore!
piis adauge gratiam,
reisque dele crimina.
Te, fons salutis Trinitas,
collaudet omnis spiritus:
quos per Crucis mysterium
salvas, fove per saecula. Amen.
02:43 -- 04:25 (Gloria, laus et honor)
Gloria, laus et honor
tibi sit, Rex Christe, Redemptor:
Cui puerile decus prompsit
Hosanna pium.
R. Gloria, laus, etc.
Hi placuere tibi, placeat
devotio nostra:
Rex bone, Rex clemens, cui
bona cuncta placent.
R. Gloria, laus, etc.
04:29 -- 06:20 (Pange lingua)
Pange, lingua, gloriosi
Corporis mysterium,
Sanguinisque pretiosi,
quem in mundi pretium
fructus ventris generosi
Rex effudit Gentium.
In supremae nocte coenae
recumbens cum fratribus
observata lege plene
cibis in legalibus,
cibum turbae duodenae
se dat suis manibus.
Verbum caro, panem verum
verbo carnem efficit:
fitque sanguis Christi merum,
et si sensus deficit,
ad firmandum cor sincerum
sola fides sufficit. Amen.
06:23 -- 08:36 (Antiphon : Ecce lignum Crucis)
Ecce lignum crucis,
in quo salus mundi pependit.
Venite adoremus! (x3)
08:42 -- 12:00 (Improperia : Popule meus)
Popule meus, quid feci tibi?
Aut in quo constristavi te? Responde mihi.
Quia eduxi te de terra Ægypti:
parasti Crucem Salvatori tuo.
Hagios o Theos.
Sanctus Deus.
Hagios Ischyros.
Sanctus Fortis.
Hagios Athanatos, eleison hymas.
Sanctus Immortalis, miserere nobis.
Ego propter te flagellavi Ægyptum cum primogenitis suis:
et tu me flagellatum tradidisti.
Popule meus, quid feci tibi?
Aut in quo constristavi te? Responde mihi.
12:05 -- 13:55 (Alleluia, confitemini Domino)
Alleluia.
Confitemini Domino, quoniam bonus,
quoniam in saeculum misericordia eius. Alleluia.
Laudate pueri Dominum.
Sit nomen Domini benedictum, alleluia.
14:00 -- 15:35 (Sequence, Victimae paschali laudes)
Victimae paschali laudes
immolent Christiani
Agnus redemit oves:
Christus innocens Patri
Reconciliavit peccatores.
Mors et vita duello conflixere mirando,
Dux vitae mortuus, regnat vivus.
Dic nobis Maria, quid vidisti in via?
Sepulcrum Christi viventis,
Et gloriam vidi resurgentis:
Angelicos testes, sudarium et vestes.
Surrexit Christus spes mea:
Praecedet vos in Galilaeam.
Scimus Christum surrexisse
a mortuis vere:
Tu nobis, victor Rex, miserere.
15: 40 -- 18:15 (Introit, Viri Galilaei)
Viri Galilaei,
quid admiramini aspicientes in caelum? Alleluia.
Quemadmodum vidistis eum ascendentem
in caelum, ita veniet, Alleluia.
Omnes gentes plaudite manibus:
jubilate Deo in voce exultationis.
Gloria Patri, et Filio, et Spiritui Sancto,
sicut erat in principio, et nunc et semper,
et in saecula saeculorum. Amen.
18:20 -- 20:36 (Alleluia)
Alleluia.
Veni sancte Spiritus,
reple tuorum corda fidelium, et
tui amoris in eis ignem accende.
Alleluia.
20: 37 -- 23:10 (Veni Sancte)
Veni, Sancte Spiritus,
et emitte caelitus
lucis tuae radium.
Veni, pater pauperum,
veni, dator munerum,
veni, lumen cordium.
Consolator optime,
dulcis hospes animae,
dulce refrigerium.
In labore requies,
in aestu temperies,
in fletu solatium.
O lux beatissima,
reple cordis intima
tuorum fidelium.
Sine tuo numine,
nihil est in homine,
nihil est innoxium.
Lava quod est sordidum,
riga quod est aridum,
sana quod est saucium.
Flecte quod est rigidum,
fove quod est frigidum,
rege quod est devium.
Da tuis fidelibus,
in te confidentibus,
sacrum septenarium.
Da virtutis meritum,
da salutis exitum,
da perenne gaudium.
IMAGE: 832existentialiste
