Жамбыл облысында бір ғана «Нұрлы жер» мемлекеттік бағдарламасы аясында 4 көпқабатты үй салынып жатыр. Оған Ұлттық қордан 1,6 млрд теңге бөлінді.
Көп ұзамай Тараз қаласында жаңа 14-ші және 15-ші мөлтек аудандар бой көтереді. Ол үшін 462 гектар жер бөлініп, «Нұрлы жер» бағдарламасы бойынша инженерлік жүйелер тартылып жатыр. Жеке баспана салу үшін тағы 900-ден астам жер телімі қарастырылып отыр.
Нұрбол Қалдыбаев, облыстық құрылыс, жолаушылар көлігі және автомобиль жолдары басқармасының бас маманы:
-Биылғы жылы 4 үйдің құрылысы басталды. Оның үшеуі биылғы жылы бітеді. Жылдың аяғына дейін тапсырамыз. Сонымен қатар Тараз қаласының Бәйтерек мөлтек ауданында бір 100 пәтерлік және бір 60 пәтерлік үйдің жобасы дайындалып, бюджетке өтінім берілді. Қаражат 2018 жылы бөлінеді. Құрылысы да 2018 жылы басталады.
