Սեւանի քաղաքապետ Ռուդիկ Ղուկասյանն ընդունեց Իտալահայ բարերար Կարեն Կոկչյանին եւ նրա ընտանիքի անդամներին: Սեւան եւ Իտալիայի Ավալիանա քույր քաղաքների միջեւ սերտ համագործակցության հարցում ունեցած ավանդի համար Կարեն Կոկչյանն արժանացավ Սեւանի պատվավոր քաղաքացու կոչմանը: Իտալահայ հյուրերը տեղական իշխանությունների ներկայացուցիչների հետ այցեցեցին Սեւանի Վլադիմիր Կարապետյանի անվան հրապարակին հարող զբոսայգին, որը վերջերս բարեկարգվել է եւ անվանակոչվել Իտալական զբոսայգի անվամբ:Սեւանում Կարեն Կոկչյանի ֆինանսական միջոցներով իրականացվել են տարբեր ենթակառուցվածքների նորոգման, բարեկարգման, վերականգնման աշխատանքներ: Մարդկանց անվտանգ եւ հարմար պայմանների ապահովման նպատակով 2011թ-ին ամրացվել են Սևանավանք տանող աստիճանները, տեղադրվել են բազրիքներ: Նրա միջոցներով հիմնանորոգվել են Սևանի Յա. Զարոբյանի անվան թիվ 2 հիմնակարն դպրոցի 3 սանհանգույցները, հարդարվել է համակարգչային դասասենյակը, ձեռք է բերվել գրասենյակային կահույք: Աշակերտական և ուսուցչական սեղան-նստարանով կահավորվել է Խ. Աբովյանի անվան ավագ դպրոցի 2 դասասենյակ: Սևանի Ս. Զաքարյանի անվան մշակույթի պալատի պարերի փորձասրահը համալրվել է հայելիներով: Սեւան եւ Ավիլիանա քույր քաղաքաների ապակենտրոնացված համագործակցության արդյունքում 2 քաղաքներում անցկացվել է լուսանկարների ցուցադրություն: Երկու քույր քաղաքների ապակենտրոնացված համագործակցության արդյունքում վերջերս Սեւանի քաղաքապետ Ռուդիկ Ղուկասյանն այցելեց Ավիլիանա, որտեղ քաղաքի կենտրոնական մասում տեղադրվեց սեւանցի ճարտարապետ Էդիկ Մանուկյանի հեղինակած խաչքարը: Իտալահայ բարերար Կարեն Կոկչյանն առաջիկայում ցանկություն ունի ամբողջությամբ լուսավորել Սեւանավանք բարձրացող աստիճանապատ ճանապարհը:
