[ Ссылка ]
[ Ссылка ]
[ Ссылка ]
[ Ссылка ]
Që prej kësaj të premteje, policia ka kaluar në gatishmëri të përforcuar për festat e krishtlindjeve dhe fundvitit. Sipas shefit të rendit në Policinë e Shtetit, rëndësi i është kushtuar pikave të kalimit kufitar, aty ku dhe mund të hyjnë ose dalin element kriminalë me rrezikshmëri të lartë.



Për sa i përket planit të masave, Dervishaj tha se do të ketë prezencë të shtuar të patrullave policore, kryesisht në zonat e populluara, duke pasur parasysh dhe masat antiterror. Sipas Dervishajt, ndonëse nuk ka informacion për sulme terroriste, policia është e përgatitur për çdo lloj skenari.



Nëpërmjet një letërporosie drejtuar bashkisë, policia kërkon edhe kryerjen e kontrolleve për të gjitha subjektet të cilat tregtojnë fishekzjarrë.



Krahas këtyre masave, policia apeloi dhe drejtuesit e automjeteve për mospërdorimin e alkoolit, por edhe kujdesin që duhet të tregojnë qytetarët për vjedhjet e banesave, kjo për shkak të numrit në rritje të tyre gjatë fundvitit.

свернуть