12+
Film XIV əsr Azərbaycan şairi İmadəddin Nəsiminin həyat və yaradıcılığına həsr olunub.
Qədim Şirvan torpağı - gözəl Şamaxı, şair Nəsiminin vətəni. Onun həyatı haqqında məlumatımız çox azdır. Lakin şairin şeirləri qalıb. Bizdən bir çox əsrlər əvvəl yaşamış şairin ürəyindəkiləri necə dərk etməli? O uzaq epoxanı necə bərpa etməli, onu bizim müasirlərimizə necə yaxınlaşdırmalı?
Nəsimi hürufiliyin banisi Nəiminin görüşlərini qəbul edərək, hürufilik fikirlərini yaydığı üçün dəfələrlə zindana salınıb. O, ömrünün son illərini Hələbdə yaşayıb, orada həbs olunub, "kafir", "dinsiz" elan edilərək, Misir sultanının əmri və ruhanilərin fitvası ilə edam edilib.
Filmdə bir çox kadrlar Nəsiminin vətəni Şamaxı şəhərində lentə alınıb.
Şairin zəngin yaradıcılığı və fəlsəfi baxışları barədə danışmaq üçün filmdə bədii kino fəndlərindən də yeri gəldikcə istifadə olunub.

Rejissor: Xamis Muradov
Ssenari müəllifi: Anar Rzayev
Operator: Əlihüseyn Hüseynov
Bəstəkar: Əziz Əzizov
Filmi səsləndirən: Həsənağa Turabov (şeirlərin qiraəti)

свернуть