من كام سنة كده ، كان فيه فيديو بعض الناس شافته.واستنتجت إن رئيس وزراء الهند بيحاول يزوغ من السيسي عشان شافه بيقرب منه ..لكن تمر الأيام ويستقبل هو بنفسه فشاخة الريس في الهند، عشان يكسف أهل الشر.وينفي كل الاحتمالات اللي الناس فضلت تهري فيها دي ..بس يا سيدي..وكانت زيارة ناجحة ومثمرة بكل المقاييس..حصل فيها اتفاقيات على تعاون اقتصادي.والسيسي بنفسه قابل واحد من أثرياء العالم. الملياردير صاحب مجموعة آداني جروب..هو للدقة يعني "كان" واحد من أثرياء العالم وقت المقابلة..بس للأسف تاني يوم. بورصة مومباي انهارت. وخسر آداني اكتر من 50 مليار دولار من ثروته.. قضاء وقدر يعني مجراش حاجة..المهم إن السيسي اتفق كمان على تعاون عسكري مع الهند..هو بعدها بيومين تقريبا طيارتين لبسوا في بعض واتحطموا وطيار مات. بس عادي يعني، حادث استثنائي وبيحصل في العالم كله وقضا أخف من قضا..اهم حاجة إن الزيارة كانت ناجحة. وكان فيه برضه اتفاق على التعاون في مجال الصحة وتوريد الأدوية..هو بعدها اتعرض وزير الصحة الهندي لمحاولة اغتيال، بس جت سليمة الحمد لله.. وفيه تقارير صحفية بتقول إن من ساعتها رئيس وزراء الهند مستخبي في بيته. ولسبب مجهول جايب عشر كهنة هندوس عمالين يبخروا البيت كله. وفيه مصادر بتؤكد أنه نايم على ضهره. وكل شوية يتف لفوق ويسيب التفة تنزل على وشه. وحاطط كمادات مية ساقعة على دماغه.وعمال يصرخ انا اللي جبت ده كله لنفسي

للدعم على Patreon :
[ Ссылка ]

اشترك في القناة الرسمية على تليجرام:
[ Ссылка ]

الصفحة الرسمية لاحمد بحيري علي الفيسبوك
[ Ссылка ]

الصفحة الرسمية علي تويتر
[ Ссылка ]

اشترك في القناة لمتابعة الحلقات الجديدة
[ Ссылка ]

المصادر:

- أعلم أهل الأرض
[ Ссылка ]

свернуть