Бұдан былай еліміздегі жалдамалы жұмысшылар зейнетақы қорына немесе міндетті медициналық сақтандыру жүйесіне қаржыны бөлек-бөлек емес, бірыңғай төлем арқылы жүргізуі мүмкін.
Қазақстанда соңғы 10 жылдан бері жалақысы өспей келе жатқан жалдамалы жұмысшылардың мәселесі де жолдауда айтылды. Қасым-Жомарт Тоқаев олардың саны 6 жарым миллионға жуық деді. Енді жұмыс берушілер әрбір қызметкер үшін зейнетақы қорына, медициналық сақтандыруға деп аударып келген қаржы операциясы бірыңғай төлем арқылы жасалады. Бұл зейнетақы, әлеуметтік және медициналық сақтандыру жүйесінің толыққанды қатысушысы бола алатын мыңдаған қызметкерге төленетін қаржыны көлеңкелі экономикадан шығаруға түрткі болады. Және мемлекет басшысы, шағын бизнес үшін жиынтық жүктемені 34 пайыздан 25 пайызға дейін төмендете отырып, еңбекақы төлеу қорынан бірыңғай төлем енгізуді ұсынды. Бірақ, экономистер, бұл жүйеден әсіресе, қысқа мерзімге жалдамалы жұмысшыларды алатын кәсіпкерлер айналшықтап қашады деп отыр.
МЕРУЕРТ МАХМҰТОВА, экономист
– Қысқа мерізімге жұмысшыларды қажет етеді. Бүгін керек, ертең қажет емес. Сондықтан олар ешқандай келісім-шартқа қол қоймайды. Бұл азаматтың еңбегі ешқандай жақтан қорғалып жатқан жоқ.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#зейнетақы #әлеуметтік_төлемдер #медициналық_сақтандыру #МӘМС #сақтандыру
