Սևան-Գրենոբլ ապակենտրոնացված համագործակցության շրջանակներում Սևանում կմեկնարկի «ԱՐԵՎ» տեխնոլոգիական ուսուցման ծրագիրը, որի ընթացքում կանցկացվի 5 շաբաթյա ուսուցում՝ նախատեսված աշխատանք փնտրող կամ մասնագիտությունը փոխել ցանկացող մոտիվացված չափահաս երիտասարդների համար: Առաջնությունը կտրվի Սևանի քոլեջում սովորած նախկին սաներին:
Օվերնյը-Ռոն Ալպ շրջանի ՖԱԱՐԱԼՊ ֆեդերացիայի նախագահ Էդդի Հայթայանը այցելել է Սևանի բազմաֆունկցիոնալ քոլեջ, հանդիպել է տնօրենին և առաջարկել համագործակցել տեխնոլոգիական մասնագիտական ուոսուցման ծրագրի շուրջ:
Ծրագրի շրջանակում կկազմակերպվեն արևային ջերմային և ֆոտովոլտային տեղադրումներ շուկայում գործող խոշոր և փորձառու ընկերությունների հետ միասին, որոնց վճարովի հիմունքներով կմասնակցեն ուսուցման մասնակիցները:
Ուսուցոմը կանցկացվի Լիոնի Մարտինիեր Մոնպլեզիռ լիցեյի դասախոսի և Ֆրանսիայում վերապատրաստված մասնագետի կողմից: Դասընթացներին մասնակցելու համար ցանկացողները կարող են դիմել Սևանի բազմագործառութային քոլեջ:
Ֆրանսիական կողմի ծրագրի ներկայացուցիչն է ՖԱԱՌԱԼՊ /Ռոն-Ալպյան հայկական ասոցիացիաների ֆեդերացիան/:
Ծրագրի իրականացնողն է «ԿԱԶԱ» շվեյցարական մարդասիրական հիմնադրամը:
Ծրագրի գործընկերներն են.
Սևան քաղաքի քույր քաղաք Գրենոբլը, որը կհանդիսանա գլխավոր գործընկերը, որպեսզի Սևանի բազմագործառութային պետական քոլեջը դառնա Հայաստանում առաջադեմ տեխնոլոգիական ուսուցման կենտրոնը արևային համակարգերի ոլորտում:
Ծրագրի գործընկերներ են նաև
Հայաստանում Ֆրանսիայի դեսպանությունը
ՀՀ ԿԳՄՍ նախարարությունը
ՀՀ Բարձր տեխնոլոգիական արդյունաբերության նախարարությունը
Ֆրանսիայի Օվերնյը Ռոն-Ալպ շրջանը
Լիոնի Լա Մարտինիեր Մոնպլեզիռ Լիցեյը
ՖԱԱՌԱԼՊ /Ռոն-Ալպյան հայկական ասոցիացիաների ֆեդերացիան/
Ռոմանի հայոց բարեկամական միությունը
Շնեյդեր հիմնադրամը
Ֆրանսիայի հայկական հիմնադրամը
Ռոմանի հայոց բարեկամական միությունը
ԱՐԵԳ հիմնադրամը:
