Nuk kanë të sosur telashet për ish-kryebashkiakun e Vorës, Agim Kajmaku.
Pa kaluar shumë kohë nga lehtësimi i masës së sigurisë nga arrest me burg në detyrim paraqitjeje për shkaqe shëndetësore, policia kërkon hetimin e tij për dyshimet se ka pastruar para. Verifikimet sipas burimeve të Top Channel-it janë kryer nga krimi ekonomiko-financiar, pranë Policisë së Shtetit, që është e njëjta polici, e cila nuk gjeti asnjë gjurmë të Kajmakut kur ai kërkohej, derisa ai u vetëdorëzua.
Burimet policore tregojnë për Top Channel-in se verifikimet pasurore ndaj Kajmakut janë kryer në bashkëpunim me seksionin kundër pastrimit të parave, pasi siç sqarohet dyshohet për transaksione të larta dhe që duhen rikontrolluar nga hetimi i akuzës. Dyshohet se Kajmaku dhe bashkëshortja disponojnë llogari bankare në vlerën e rreth 103 milionë lekëve dhe rreth 192 mijë euro të akulumuara nga depozitimet cash dhe burime të vetëdeklaruara nga biznesi që dyshohen të pajustifikuara nga fitimet e aktivitetit tregtar.
Nga informacioni i administruar nga ILDKPI-ja shtoi i njëjti burim policor, ish-kryetari i bashkisë ka deklaruar të ardhurat si subjekt i ligjit, të ardhura nga shitja e koutave të blera nga familjari, burimi financiar i të cilave është i panjohur sipas dokumentacionit. Kajmaku përfundoi i pandehur për falsifikim dokumentesh, ndërsa më herët KQZ-ja i kishte ndërprerë mandatin , pas denoncimeve të PD-së për fshehje të të shkuarës në Greqi, ku rezultonte i arrestuar për përdorim të monedhave false. Pala greke njoftoi Shqipërinë se Gjykata e Apelit në Janinë e kishte shpallur të pafajshëm. Ndërkohë që dënimin e shkallës së parë e kishte marrë nën emrin Jorgo Toto, por nuk e kishte deklaruar në formularët e vetëdeklarimit. Pas shpalljes në kërkim, ish-kryebashkiaku u është shmangur deklaratave publike dhe pas vetëdorëzimit, avokati i tij u shpreh për Top Channel se Kajmaku do flasë në një moment të dytë.
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Vore#AgimKajmaku#TopChannel
