චන්ද්‍ර මඩුලු යට සුරංගනාවන්
දූ සනසන්නට ගීත ගයනවලු
දුවේ එපා ඒ කතා අහන්නට
මේ නැළවිලි ගී මමයි කියන්නේ

රන් තැටියට කිරි පැණි පුරවාගෙන
හඳහාමි දූ බලන්න එනවලු
දුවේ එපා ඒ කතා අහන්නට
හඳහාමි කෙළෙසද මෙහි එන්නේ

කිරි මුට්ටිය නූඹෙ ගඟේ ගියාලු
ගඟට උඩින් කිරි කොක්කු ගියාලු
දුවේ එපා ඒ කතා අහන්නට
මමයි නුඹට ලේ කිරි කර දෙන්නේ

දූ අල්ලන්නට හැන්දෑ යාමේ
මල්ලක් අරෙගන බිල්ලෙක් එනවලු
වීර දුවේ මා බිය නොම වන්නේ
සිහළ ලෙයයි නුඹ සිරුර දිවෙන්නේ

ගායනය හා සංගීතය - නන්දා මාලිනි
පද රචනය - මහින්ද අල්ගම

свернуть