берілмек. Бірақ қаулыға сәйкес, бұл санаттағы темір тұлпарлардың тек Қазақстанда ғана жүруіне рұқсат етіледі. Әрі меншік құқығын өзгертуге тыйым салынады. Яғни, мүлік иесі көлігін сатқан күнде де машина өз атында қала береді. Бұл - қайта рәсімделмейді деген сөз. Қазір тиісті заңға толықтырулар енгізуді көздейтін қаулы ашық талқылауға шығарылып отыр.
НҰРБОЛАТ ЖАҢАБЕКҰЛЫ, тілші:
– Елге көлігін қосалқы бөлшек түрінде жеткізген жүргізушілерге де мүлкін 200 мың теңгеге заңдастыруға мүмкіндік беріледі. Демек, мемлекет техникалық құжаты жоқ, қауіпсіздік шаралары сақталған, сақталмағанына қарамастан құрастырылған машиналарды тіркеуге алып, куәлік ұсынғалы отыр. Осы арқылы жауапты ведомство соңғы кездері қисынды-қисынсыз талабын айтып, шу шығарып жүрген жүргізушілердің біржола мәселесін шешуге асық секілді. Яғни, бір реттік акция аясында аласында-құласында тіркеп жібереді. Бірақ құрастырылған көліктің кісі өміріне зияны тие ме, тимей ме бұл сұрақ сол қалпы жауапсыз қалатын түрі бар. Қазір ішкі істер министрлігіне қарасты әкімшілік полиция қосалқы бөлшек түрінде әкелінген көліктерді заңдастыру тәртібін әзірлеп қойды. Тиісті түзетулер енгізілген жоба 6 наурыз күні қоғам талқылауына шығарылды. Ал жаңа нормаға сәйкес, бұл санаттағы темір тұлпарлар тек ел аумағында ғана қатынай алады. Тағы бір тыйым меншік құқығын өзгертуге қатысты болып отыр. Демек, мүлік иесі көлігін заңдастырған соң сатып жіберсе, алған кісі қайта рәсімдей алмайды. Сондай-ақ, құрастырылған көліктерді мемлекеттік тіркеуге қою үшін бірнеше талап сақталуға тиіс. Біріншіден, автокөлік кедендік тазартудан өткізілмеуі қажет. Екіншіден, мүлікке іздеу жарияланбаған болуы керек. Бұл шарттар сақталмаса көлік заңдастырылмайды. Ал егер қағидаға сай келсе, меншік иесі құзырлы органға көлік құралын сатып алу мән-жайлары көрсетілген өтінішін өткізеді. Оған қоса, ішкі істер органдарының уәкілетті қызметкері берген тексеру актісі де ұсынылады. Әрі жүргізуші техникалық байқаудың диагностикалық картасын ұмытпағаны абзал. Әзірге жаңа ереже қашан қабылданары белгісіз. Өйткені жоба 24 наурызға дейін талқыланады. Одан әрі бірнеше сатыдан өтуі қажет. Айта кетейік, бұған дейін жер-жерде жүргізушілер құрастырылған көліктерін 19 наурызға дейін рәсімдеуге рұқсат беруді талап еткен еді.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
