اهلا بيكم ،، النهاردة هنتكلم عن عالم وطبيب فارسي اتعرف اسمو في كل ميادين العلم و معروف بين العلماء بإنة اعظم اطباء الانسانية على الاطلاق ،، هنتكلم النهاردة عن ابو بكر محمد بن يحي بن زكريا الرازي واللى شهرتة ابو بكر الرازي وهو عالم مشهور ولف بلاك كثير اشتغل رئيس لمستشفى وليه ابحاث كثير في كل مجالات الامراض وكتب في كل فروع الطب
وهو العالم اللى الف كتاب الحاوي في الطب وده بيضم كل المعارف الطبيه اللي عرفتها الإنسانية لحد سنه 925 م و وفضل المرجع ده هو المرجع الرئيسي في أوروبا لمدة 400 سنه وبعد كده درس التاريخ والرياضيات والفلسفه والكيمياء والمنطق
ومن اعظم كتب ابن الرازي كتاب تاريخ الطب و كتاب المنصور وكتاب الادوية المفردة وفي الكتاب دة بيقدم وصف دقيق لتشريح جسم الانسان وهو اللى عمل خيوط الجراحة وصنع المراهم و لية مؤلفات في الصيدلة ساهمت في علم الصيدلة كتير جدا ولية كمان اكتر من 200 كتاب ومقال وكان مشهور بحاجة مهمة وهي الذكاء وكان دايما من بيقول ان طلاب الطب يتعلمو في المدن الكبيرة علشان المدن الكبيرة مليانة سكان و في مرضي كتير
كان زمان الطبيب في عصر الرازي عبارة عن فيلسوف و الفلسفة من العلوم المهمة علشان بنوزن بينا الامور وكان الرازي بيحب يتعلم من عالى تاني كان موجود قبل الرازي بسنين كتير جدا وهو سقراط الحكيم وكان مؤمن ان الانسان لازم يدرس علوم الناس الي سبقتة وميكتفيش فقط بالعلوم اللى موجودة في عصرة هو وبس
والرازي زي علماء كتير مكنش عالم في مجال واحد بس ، ولكن الرازي كان عالم كمان في الفيزيا والكيمياء
كتب الرازي اترجمت للغة الاتينية و في كتب اترجمت لاغلب لغات اوروبا و اتدرست في الجامعات الجامعات الاوروبية مثلا في هولندا كتب الرازي من المراجع الرئيسية في جامعات هولندا لحد القرن السابع عشر
ومن القصص الحلوة في حياة الرازي اللى بتدل على انو كان انسان عبقري وذكي في العصر اللى هو كان عايش فية ان واحد من الخلفاة امرة بانة يبني مستشفي في مكان مناسب في بغداد ،، المهم راح الرازي جاب قطع لحم و حط قطع اللحم دي في عيدان خشب و حط في كل مكان قطعة لحم وفضل كل شوية يعدي عليهم علشان يعرف اخر قطعة هتبوظ ،، و المكان اللى فية اخر قطعة هتبوظ دي هو هيختارة مكان للمستشفي لان دة المكان اللى هيكون فية هوا نقي و مفيش فية تلوث وبالتالي هيكون مناسب للمرضي
ابن الرازي حقيقي عالم كبير ،، قولنا في التعليقات اكتر حاجة لفتت نظرك في قصة حياة الرازي ،،، مستنيكم في التعليقات ،، باي باي
