Lajme Arkiva - TV Klan 2002

Presidenti i Republikës Alfred Moisiu ka udhëtuar drejt qytetit të Burrelit, për të marrë pjesë në përurimin e ndërtesës së re të gjykatës së rrethit të Matit. Duke prerë shiritin e përurimit, presidenti Moisiu u shpreh optimist se kjo gjykatë e një rrethi të vogël do të fillojë reforma të rëndësishme në drejtësinë shqiptare.

Më pas, presidenti Moisiu ka vizituar edhe ambientet e reja të godinës, për t’u zhvendosur në komisariatin e policisë së qytetit të Burrelit, në prokurorinë e rrethit, si dhe në komandën e brigadës. Gjatë vizitës së tij, presidenti Moisiu tha, se gjatë këtyre pak muajve të mandatit të tij presidencial, i kishin mbërritur me qindra ankesa, 70% e të cilave kishin lidhje me gjyqësorin, por asnjë ankesë sipas Moisiut, nuk ka ardhur për gjykatën e Matit. Kjo tregon tha Moisiu, se gjyqtarët e kësaj gjykate bëjnë një punë shumë të mirë.

Në takimet e presidentit dhe përurimet e Gjykatës së Matit, bënin pjesë edhe Ministri i Drejtësisë Spiro Peçi, kryetari i Gjykatës së Lartë Thimio Kondi, si dhe përfaqësues të trupit diplomatik./tvklan.al

Gazetare – Juli Kristafi


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть