Биыл Абайдың 175 жылдығына орай халықаралық, республикалық және аймақтық деңгейде 500-ден астам іс-шара ұйымдастырылады. Тамызда Семейде, қазанда Нұр-Сұлтанда халықаралық конференция өтеді. Абай тойын осылайша ЮНЕСКО деңгейінде лайықты атап өтуге шақырған Қасым-Жомарт Тоқаев арнайы мақала жазып, Семейді тарихи орталық ретінде дамытуға Үкіметке тапсырма берді. Президент бұған қоса, Құнанбай әулеті қорымы жөнделетінін, Жидебайды абаттандырып, оған «Абай мұрасы» атты жаңа ғимарат салынатынын жазған.
