Արդյո՞ք Սերժ Սարգսյանի հաջորդ պաշտոնը կլինի կառավարության ղեկավարի աթոռը։ Նրա նախագահության ավարտից 8 ամիս առաջ Հայաստանի քաղաքական դաշտում սա դարձել է թիվ 1 հարցը։ «Անորոշությունն ստեղծվել է այն պարզ պատճառով, որ նա չի հայտարարել, թե ինչ է անելու 2018-ի ապրիլից հետո, երբ դադարեն նախագահի լիազորությունները»,- «Ա1+»-ի հետ զրույցում ասում է քաղաքագետ Ստյոպա Սաֆարյանը։
Վարչապետի պաշտոնն զբաղեցնելու հարցը դեռ 2014 թվականին մեկնաբանել է անձամբ Սերժ Սարգսյանը։ Սահմանադրական փոփոխությունների մասնագիտական հանձնաժողովի անդամների հետ հանդիպմանը նա հայտարարել է՝ նոր Սահմանադրության ընդունման պարագայում ինքը վարչապետ չի դառնա։ «Ես չեմ հավակնի վարչապետի պաշտոնին, վստահ եմ անգամ, որ մեկ մարդը երկու անգամից ավել իր կյանքում պետք է չհավակնի երկրի կառավարման ղեկին Հայաստանում»,- ասել էր նա։
![[Maidenspeech] Theo Hiddema in de Eerste Kamer - Debat over de rechtsstaat 31 mei 2022](https://i.ytimg.com/vi/PcOJJvfdlu8/mqdefault.jpg)
