Արվեստին ծառայելը սոսկ մասնագիտություն չէ, այլ կենսակերպ: Երաժշտարվեստը որպես մասնագիտություն ընտրած մարդկանց երաժշտական աշխարհն իր մեծ էներգիայով գրավում և ուղեկցում է ամբողջ կյանքի ընթացքում՝ հնարավորություն տալով նրանց շփվելու աշխարհի ամենագեղեցիկ երևույթներից մեկին՝ երաժշտությանը:
Երաժշտական ամենահին գործիքներից մեկն է համարվում ֆլեյտան՝ իր ուրույն հնչողությամբ գրավելով կարևորագույն տեղ դասական երաժշտության մեջ:
Ֆլեյտահարի մասնագիտության ընտրության ամենակարևոր նախապայմանը թերևս ստեղծագործական տաղանդն է, ինչպես նաև ռիթմի հրաշալի զգացողությունը, ակադեմիական կրթությունը, աշխատասիրությունը, անմնացորդ նվիրումն ու սերը:
Փայլուն տիրապետելով կատարողական արվեստի ողջ հմտություններին, աշխարհի ամենահին, դյութիչ ու անչափ զգայուն երաժշտական գործիքներից մեկը՝ ֆլեյտան ֆլեյտահարի ձեռքերում հրաշքներ է գործում՝ ունկնդրին հիացնելով ու տեղափոխելով երաժշտության կախարդող աշխարհը:
Զրույց ֆլեյտահար, Հայաստանի ազգային ֆիլհարմոնիկ նվագախմբի մենակատար, ֆլեյտահարների խմբի կոնցերտմայստեր Նարեկ Ավագյանի և «Ֆլեյտայի կամուրջներ» միջազգային նախագծի հեղինակ և գեղարվեստական ղեկավար Վարդան Վիրաբյանի հետ:
