Олий Мажлис Қонунчилик палатасига 119-Гурлан сайлов округидан сайланган депутат Зафар Абдиримов Янгибозор туманида бўлди.
Халқ вакили дастлаб туманнинг бир қатор маҳаллаларида бўлиб, фуқаролар билан юзма-юз мулоқот қилди, хонадонма-хонадон кириб, аҳолининг турмуш шароитлари билан танишди.
Шундан кейин “Долзарб 40 кунлик” доирасида туман марказида олиб борилаётган ишлар, жойлардаги кўкаламзорлаштириш, ободонлаштириш ишлари, Манғитлар маҳалласидаги хусусий клиника, янги ишга туширилиши режалаштирилаётган тикувчилик цехи, Маънавият ва маърифат масканидаги ахборот кутубхона маркази фаолияти билан танишди.
