Kongresi i Shteteve të Bashkuara ka miratuar një projekt-ligj të përkohshëm financimi, i cili ka si synim të mbajë funksionimin e qeverisë federale deri në mes të nëntorit dhe për të shmangur një mbyllje të kushtueshme të qeverisë duke lënë jashtë ndihmën për Ukrainën e kërkuar nga Presidenti Joe Biden.
Dhoma e Përfaqësuesve votoi 335 me 91 pro për të financuar qeverinë ne një periudhë 45 ditore, teksa qëndrimet u ndanë në 209 demokratë që mbështesin masën krahasuar me 126 republikanë.
Senati me shumicë demokratike votoi në favor të masës vetëm tre orë para afatit të mesnatës, e cila shmangu përkohësisht mbylljen e katërt të pjesshme të qeverisë federale në një dekadë.
Votimi do të sigurojë që qeveria të financohet deri më 17 nëntor dhe gjithashtu pritet të rrisë ndihmën federale për fatkeqësitë me 16 miliardë dollarë.
“Shumica dypartiake në Dhomë dhe Senat votuan për të mbajtur qeverinë të hapur, duke parandaluar një krizë të panevojshme që do të kishte shkaktuar dhimbje për miliona amerikanë punëtorë”, u shpreh presidenti I SHBA-së Joe Biden.
Por ai qortoi kryetarin e Dhomës së Përfaqësuesve Kevin McCarthy dhe republikanët e Dhomës për refuzimin e niveleve të shpenzimeve të dakorduara me Shtëpinë e Bardhë.
Ky i fundit në një deklaratë për mediat u shpreh se brenda 45 ditësh duhet të kryejnë të gjithë punën për përmirësimin e gjendjes.
Lëvizja shënoi një ndryshim të thellë nga fillimi i javës pasi një mbyllje, e cila do të detyronte mbylljen e një sërë shërbimesh publike dhe që do të linte shumicën e 4 milionë punonjësve të qeverisë të papaguar, dukej krejtësisht e pashmangshme.
Pamje:AFP
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopChannelNews#Kongresi#SHBA
