1 қаңтардан бастап елімізде жалақы, зейнетақы және жәрдемақы көлемі өсті. 1 қаңтардан бастап елімізде жалақы, зейнетақы және жәрдемақы көлемі өсті. Ең төменгі зейнетақы 36 108 теңге. Былтыр төменгі зейнетақы мөлшері 33 745 теңге болды. Былтыр 15 274 теңге болған базалық зейнетақы 16 037 теңгеге өсті. Дегенмен, әйелдердің зейнет жасы артты. Жыл басынан бастап оның деңгейі 59 жасқа жетті. 2027 жылдан бастап әйелдер де ер адамдармен қатар 63 жаста зейнеткерлікке шығатын болады. Бұл өзгерістер 1960-1964 жылдар аралығында туылғандарға ғана қатысты. 1 қаңтардан бастап ең төменгі жалақы мөлшері 1,5 есеге ұлғайып, 42 500 теңге болды. Барлық сала бойынша түрлі меншік нысандарындағы кәсіпорындарда жұмыс істейтін 1 миллион 300 мың адамның еңбекақысы көтеріледі. Өңірімізде қазір 50-ден астам ірі, 100-ден көп орта кәсіпорын бар. Тексеру нәтижесінде 29-ынан ең төменгі жалақы алатын жұмысшылар анықталған. 28 кәсіпорын жұмысшыларының жалақысын өсіруге келіскен. 1 қаңтардан бастап жәрдемақыларды және өзге де әлеуметтiк төлемдердi есептеу үшiн, сондай-ақ айыппұл санкцияларын, салықтар мен басқа да төлемдердi қолдану үшiн айлық есептiк көрсеткiш 2 525 теңгеге ұлғайтылды. Былтыр бұл көрсеткіш 2 405 теңге еді. Жаңа жылдан бастап жалақысы аз жұмысшыларға салынатын салық көлемі керісінше азайды. 25 АЕК-ке дейінгі еңбекақысы бар қазақстандықтарға салынатын салық жүктемесі 10 есеге азайып, 1 пайыз салық салынады. Яғни, жұмысшының табысы 25 АЕК-тен аспаса, ол кіріс сомасынан 90% мөлшерде табыс салығынан босатылады. Ал, еңбек қабілеттілігін немесе асыраушысын жоғалтқан азаматтар алатын жәрдемақы мөлшері 5 пайызға өсті. Енді өзін-өзі жұмыспен қамтитындар Бірыңғай жиынтық төлем төлейді. Бұл өзгеріс оларға зейнетақы жүйесіне қатысуға мүмкіндік береді. Төлем жеке табыс салығын, әлеуметтік және медициналық сақтандыру қоры, бірыңғай жинақтаушы зейнетақы қорына аударымдар жасауға жағдай туғызады. Жиынтық төлемнің республикалық маңызы бар қалалардағы, Астана қаласы және облыс орталықтарындағы көлемі – 1 айлық есептік көрсеткіш, басқа елді мекендерде соның жартысы. Төлем ерікті түрде жасалады.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
