Ұлттық ұлан, Қорғаныс министрлігі мен ҰҚК Шекара қызметінде кейінгі жылдары қанша сарбаз, қанша әскери қызметкер көз жұмды? Ulysmedia.kz бұл жолы «сандарды сөйлетуге» тырысты.

▪️АРМИЯҒА НАҚТЫ СҰРАҚ

Біз Қорғаныс министрі Руслан Жақсылықовқа, ҰҚК Шекара қызметінің бастығы Ерлан Алдажұманов пен Ұлттық ұланның бас қолбасшысы Еркін Ботақановқа мына сұрақтарды жолдадық:

1. 2021-2024 жылдар аралығында қанша мерзімді әскери қызметші көз жұмды?
2 Осы аралықта қызмет бабында жүріп, қанша әскери қызметші көз жұмды? Олардың қаншасы сержанттық және қаншасы офицерлік құрамда болды?
3. 2021-2024 жылдар аралығында қанша әскери қызметші қызмет бабында жүрген уақытында кісі өлтіргені үшін сотталды?
4. Осы аралықта әскери қызметшінің қызмет бабында қаза болғанына байланысты оның туған-туыстарына қанша өтемақы төленді?
5. Армиядағы әлімжеттікті азайту бағытында қандай тың іс-шараларды қолға алынғалы отыр? Сіздер тараптан Үкіметке қандай да бір ұсыныстар бар ма?

▪️ҰЛТТЫҚ ҰЛАН НЕ ДЕП ЖАУАП БЕРДІ

Ұлттық ұланның Бас қолбасшылығы 2021-2024 жылдар аралығында жалпы мерзімді шақырылымдағы 12 әскери қызметшісі қаза тапқанын хабарлайды. Құзырлы орган жарақаттардың ауырлық дәрежесін анықтамай тіркейді.

Айтылған мерзім ішінде Ұлттық ұланда 10 офицер және 34 келісімшарт бойынша әскери қызметші қайтыс болған. Ондағы әскери қызметшілері кісі өліміне қатысты қылмыстық жауапкершілікке тартылмаған.

▪️ШЕКАРА ҚЫЗМЕТІНДЕГІ АХУАЛ

Ұлттық қауіпсіздік комитетітің Шекара қызметі 2021-2024 жылдар аралығында 9 мерзімді әскери қызметші қайтыс болғаны (2021 жылы 3, 2022 жылы 5, 2023 жылы 1, 2024 жылы жоқ) жөнінде мәлімет берді.

▪️ҚОРҒАНЫС МИНИСТРЛІГІ: САН ЖОҚ – ПАЙЫЗДАР ҒАНА

Бұл бағытта өкінішке қарай Қазақстанның Қорғаныс министрлігінен нақты жауап ала алмадық. Министрлік мәліметті нақты келтірмейді. «Отбасымен бейнеқоңырау» жобасы, ақпараттық-түсіндіру топтарының жұмысы, командирлер нұсқауы, Қорғаныс министрлігінің тапсырмаларды орындап жатқанын ұзын-сонар жауаппен жазады.

Қорғаныс министрі болсын, Ұлттық ұлан немесе Шекара қызметінің бастығы болсын қоғам сіздерден бір ғана сұрақтың жауабын білгісі келеді – армиядағы өлім қашан тоқтайды, мырзалар?!

Толығырақ Ulysmedia.kz сайтынан оқыңыз.

свернуть