Söz: Məşədbaba Aydəmirov
Mus: Baku Ai Music
Gülzar üzünü yar mənə göstərsə bəsimdir,
Könlüm oradan bir dənə gül dərsə bəsimdir.
Mən istəmərəm başqa gözəllər məni sevsin,
öz yaarım əgər xətrimi istərsə bəsimdir.
Yoxdur fikirim xalça olum yad başı üstə,
Kandarda həsir tək məni yar sərsə bəsimdir
Mən istəmərəm tutsa səsim Külli-cahani,
Allah mənə bir züm-zümə göndərsə bəsimdir.
Çoxdur neçə il dərsə gedib alim olanlar,
Bir dəfə gedib gəlsəm əgər dərsə bəsimdir
Adəm baba tək şeytana aldanmaram əsla,
Bir dəfə düşübdür işimiz tərsə bəsimdir.
Mən cahu-cəlal istəmərəm ey Baba haqqdan,
Hər gün mənə bir parça çörək versə bəsimdir.
© Bütün müəllif hüquqları " AI MUSIC MEDIA GROUP " tərəfindən qorunur!
Audio və video-vizual materialların nüsxələnməsinə icazə verilmir.
Google Partner ©
#mesedi #mesed #baba #mesedbaba #baku #bakuai #bakuaimusic #besimdir #versebesimdir #mesedbaba
