بخصوص حوار المتحدة للاعلام وتامر مرسي ..والصدمة العصبية والاكتئاب اللي حصلوا لمؤيدي النظام، من جرعات الوطنية اللي شربوها من مسلسلات الشركة..لدرجة أن فيه ناس مكانوش عارفين يعني ايه كلمة وطن..قبل ما يشرحالهم استاذ نبيل الحلفاوي..وفيه مصريين مكانوش عارفين إن فيه دولة اسمها مصر اصلا ..لحد ما الاستاذ امير كرارة، كان كل يوم الفجر يصحيهم على ملا وشهم، عشان يقولهم متقولش ايه ادتنا مصر، خد وانت ساكت!..عايز اقول إن كل الكلام اللي بيتنطور ده عن الفساد والسرقة..ما هو إلا اشاعات مغرضة..الناس دي اشرف من أشرف السعد..
و الحمد لله ها هي قد عادت المياه لمجاريها.. وشركة المخابرات المتحدة للخدمات الإعلامية، لصاحبها الحاج سيسي وعباس كامل وشركاهم، رجعت من تاني لينا ومصر اليوم في عيد..هي بس كانت زوبعة في برطمان وراحت لحالها، ومصارين البطن بتتعارك يعني .. والموضوع بسيط ..كل ما هناك أنهم خدوا من فلوس الشعب 4 مليار وشوية، تكاليف ..وفي 4 سنين، بعد ما سيطروا على كل انتاج الإعلام والدراما، حققوا ارباح 3 مليار وشوية ..ولقوا ان الخساير 380 مليون جنيه..قام الكابتن تامر مرسي قال لهم معلش وقعوا مني ..كانوا يلزموكو في حاجة القرشين دول؟ ..قالوله فداك يا راجل، ما بين الحرامية حساب، احنا اهل يعني!..بس ادوله كتف صغير وخلوه عضو عادي للاستفادة من خبرته في خساير تانية، وجابوا رئيس جديد ..وكل فشل واحتكار وانتم بخير..وعلى صعيد آخر وبجملة الترقيات والتحركات .. فقد اليوم السابع لمونته الصحفية..ااا ايقونته الصحفية خالد صلاح ..واتكافئ على سنين من المجهود الخرافي في الفبركة والتطبيل.. بتعيينه رئيس للشركة القابضة للصحافة..هو متعرفش ايه دي وبتعمل ايه ..بس مدام قابضة يبقى الزبون راكب على طول ..هو راشق في أي حاجة فيها قبض.....

للدعم على Patreon :
[ Ссылка ]

اشترك في القناة الرسمية على تليجرام:
[ Ссылка ]

الصفحة الرسمية لاحمد بحيري علي الفيسبوك
[ Ссылка ]
الصفحة الرسمية علي تويتر
[ Ссылка ]
اشترك في القناة لمتابعة الحلقات الجديدة
[ Ссылка ]

свернуть