20 сәуір күні Әлихан Бөкейхан Университетінің Әскери кафедрасында Семей қаласы мектептеріндегі «Жас сарбаз» сыныптарының оқушылары арасында дәстүрлі «ҚАЙСАР» эстафеталық әскери-спорттық ойындары өтті.
Семей қаласы білім бөлімімен бірлесіп өткізілген іс-шара Ұлы Отан Соғысындағы Жеңістің 76 жылдығына, Қазақстан Республикасы Қарулы Күштерінің құрылғанына 30 жыл толуына және Әлихан Бөкейхан Университеті Әскери кафедрасының 10 жылдығына арналды.
Жарысқа жас ерекшеліктеріне байланысты топтарға бөлінген қаланың 24 команда, оның ішінде 120 «Жас сарбаз» тәрбиеленушілері қатысты.
Жарыстың мақсаты – жас ұрпақты қазақстандық патриотизмге тәрбиелеу, әскери-патриоттық тәрбие беру жұмыстарының сапасын арттыру, салауатты өмір салтын насихаттау және дамыту.
Жарыс ойын әрекеттері негізінде білім алушылардың дербестігі мен бастамашылдығын дамытуды әрі әскери спорттың қолданбалы түрлерін дамытуды көздейді.
Жарысқа Әлихан Бөкейхан Университеті Әскери кафедрасының мамандары, «Шығыс» өңірлік қолбасшылығы және Семей қаласы Қорғаныс істер жөніндегі басқармасының өкілдері, Ауған соғысы ардагері мен Тәжік-Ауған шекарасындағы әскери қақтығысқа қатысушылар қоғамдық бірлестігінің ардагерлері төрелік етті.
Жарыс қатысушылардың әнұранға бой түзеп, салтанатты сап құруынан басталды. Эстафета түрінде өткен жарыста командалар газ тұмылдырықтарын «жорықтық» жағдайда кию, автоматтың оқжатарынан оқты алу және жарақтау, Калашников автоматын толық емес бөлшектеу және жинақтау, дартс лақтыру сынды сайыстарда бақ сынасты.
Жарыс қорытындысы бойынша:
5-6 сынып тәрбиеленушілерінің арасында
I орынды № 41 орта мектептің командасы иеленді, офицер-тәрбиешісі -Жоломбетов С.О.
II орын №28 орта мектептің командасына бұйырды, офицер-тәрбиешісі - Капажанов С.А.
III орынды №3 мектеп-кешенінің командасы иеленді, офицер-тәрбиешісі - Кабдиев Е.А.
7-9 сынып тәрбиеленушілері арасында
I орынды №22 мектеп-лицейінің командасы иеленді, офицер-тәрбиешісі - Смагулов Е.Б.
II орында - №41 орта мктеп командасы, офицер-тәрбиешісі - Сатов Е.К
III орынды Шәкәрім атындағы гимназия командасы иеленді, офицер-тәрбиешісі - Жакупов Ш.А
Жеңімпаздар мен жүлдегерлер арнайы дипломдармен және сыйлықтармен марапатталды. Барлық қатысушылар мен олардың тәрбиешілеріне алғыс хаттар табысталды.
