«АЙТЫСКЕР» I РЕСПУБЛИКАЛЫҚ ЖАС АҚЫНДАР АРАСЫНДАҒЫ БЕЙНЕРОЛИКТЕР БАЙҚАУЫНЫҢ МЕРЗІМІ ҰЗАРТЫЛДЫ
- Байқауға кім қатыса алады? 14-18 жас аралығындағы жастар.
- Қашан? 2024 жылғы 15 ақпан – 20 сәуір аралығында.
Байқаудың мақсаты – жастар арасында баға жетпес асыл мұра ретінде Айтыс өнерін жан-жақты қолдау және дамыту.
Қатысу шарттары:
- 2024 жылдың 15 ақпан - 20 сәуір аралығында [ Ссылка ] сайтында байқауға тіркеліп, төменде көрсетілген 5 тақырып бойынша 2-ін таңдап, айтыс форматында (өлеңмен, айтыс мақамымен және музыкалық аспаптың сүймелдеуімен) 2 бейнеролик дайындау:
1) Абай Құнанбайұлының 45 қара сөздері (біреуін таңдау қажет);
2) Тәуелсіздік жолын жалғастырар ұрпақ;
3) Ана сүтін ақтамағанды ешкім мақтамайды;
4) Жасанды интеллект – адамзат үшін қауіпті ме? Жасанды интеллекттің маңызы неде?
5) Заманауи Қазақстан - көпұлтты мемлекет.
Қатысушы бейнероликтің басында өзін өзі таныстыруы қажет. Әрбір бейнеролик 3 минуттан аспауы қажет.
- қатысушылар бейнероликтерде өзінің орындаушылық шеберлігін, әдеби тіл байлығын, тақырыпты дұрыс аша білуін көрсетіп, дәстүрлі айтыс мақамын үйлестіре қолдану, тақырыптан ауытқымай, ұйқастыра жеткізеді.
- бейнероликтерді 20 сәуірге дейін Instagram немесе Tik Tok желісіндегі жеке парақшасында #айтыскер2024 хэштегімен салып, @el_umiti.kz және @aitys.elumiti парақшаларын белгілейді немесе аты-жөнін, өңірін, туған күнін көрсете отырып, бейнероликтерді aitys.elumiti@gmail.com электронды поштасына жібереді.
- байқау нәтижелері 2024 жылдың 3 мамыр күні [ Ссылка ] сайтында және @el_umiti.kz, @aitys.elumiti парақшаларында орналастырылады.
- байқау жеңімпаздарына Гран-при, I, II, III дәрежелі дипломдар және ақшалай сыйақы қарастырылып отыр.
Байқауға тіркелген Қатысушылар автоматты түрде «Aitys club» мүшесі атанады.
