Алматыда алғаш ақыл-есінің кемістігі бар балаларға арналған спорттық жаттығу алаңы ашылды.
Оған 10 жылдан бері кемтар балаларды қанатының астына алып, қамқорлық көрсетіп келе жатқан «Рух» қоғамдық бірлестігінің ұйытқы болып отыр.
Бұл жерде балалар жаттықтырушының бақылауымен денсаулықтарын шынықтыра алады. Әдетте мұндай жаттығу алаңдарында ақыл-есі дұрыс, бірақ тірек-қимыл жүйесі дамымаған балаларды сауықтыру жүргізілетін.
Ал ақыл-есі кем балаларды қоршаған ортаға бейімдеуде қарапайым дене шынықтырудың алатын орны ерекше. «Балалар өз күшін сезініп, өзіне деген сенімі ояна бастайды», – дейді тәрбиешілер.
Бірлестікте 3 пен 18 жас аралығындағы 60 бала тіркелген. Жаттығу алаңының ашылуында әуесқой спортшылар балаларға түрлі жаттығулар көрсетті.
Азамат Шоқанаев, қала тұрғыны
-Мұғалімдер жақсы, сабақ үйретеді, тігуді, оқуды, санауды үйретеді. Осы жерде жаттығамыз, күш жинаймыз. Денсаулыққа пайдалы, күш береді, аяқ жаттығады. Біз үшін керек нәрсе.
