Հունիսի 24-ից 30-ը Գյումրիում առաջին անգամ կանցկացվի «Արթ Շաբաթ» խորագրով դասական երաժշտության փառատոնը՝ իր շուրջ համախմբելով Գյումրու բոլոր՝ թվով 8 երաժշտական ու արվեստի դպրոցների, Հայորդյաց տան, երաժշտական ուսումնարանի ու ԵՊԿ Գյումրու մասնաճյուղի երաժիշտ-կատարողներին ու խմբերին։
«Արթ Շաբաթ»-ը վերը նշված կազմակերպությունների միջեւ համագործակցության յուրատեսակ ձեւաչափ է, որ նպատակ ունի մի կողմից բացահայտել դասական արվեստի նոր անուններին ու վերջիններիս տրամադրել ինքնաներկայացման եւս մեկ հարթակ, մյուս կողմից նպաստել դասական երաժշտության հանրահռչակմանը։
Այսուհետեւ ամեն տարի հունիսի վերջին 7 օրերին «Արթ Շաբաթ»-ը դասական արվեստի սիրահարներին ամեն օր կսպասի քաղաքի տարբեր դահլիճներում՝ ներկայացնելով այն բացառիկ ներուժը, որն այսօր ստեղծում, կատարում ու տարածում է դասական արվեստ։
Մուտքն ազատ է «Արթ Շաբաթ»-ի բոլոր միջոցառումների համար։
#ARTshabat #exitmediaarm
