TIRANE - Ornela Gjini, 19 vjeçarja e cila mbeti e plagosur në atentatin me eksploziv ndaj makinës së biznesmenit Isuf Brahimaj dje në Vlorë vijon të mbetet në gjendje të rëndë.
Janë vetë mjekët e spitalit të QSUT në Tiranë të cilët konfirmojnë gjendjen e rënduar të së plagosurës 19 vjeçare. Sipas mjekëve, që po ndjekin gjendjen shëndetësore të Ornela Gjinit, thonë se vajza ka pësuar djegie të shumta, rreth 80% sipërfaqes së këmbëve, gjë që nuk përjashton mundësinë e një infeksioni që do të komplikonte organet jetësore.
Kjo është arsyeja se përse e reja konsiderohet se nuk e ka kaluar ende rrezikun për jetën pavarësisht se sot ajo është koshiente.
Ndërkohë, familjarët e vajzës nga Vlora që kanë zbarkuar të gjithë në QSUT, nuk pranojnë të komentojnë ngjarjen e rëndë, madje ata nuk lejojnë askënd që t’i afrohet 19-vjeçares, veç stafit mjekësor.
