Масъулони вазорати тандурустии Тоҷикистон ва намояндагони созмонҳои байналмиллалӣ, аз ҷумла Бонки Ҷаҳонӣ дар ҳамоише натиҷаҳои аввали лоиҳаи “Рушди хизматрасонии тандурустӣ” дар Тоҷикистонро баррасӣ карданд.
Ба гуфтаи масъулони вазорати тандурустӣ лоиҳаи “Рушди хизматрасонии тиббӣ”, ки бо дастгирии молиявии Бонки Ҷаҳонӣ амалӣ мешавад мақсади беҳтар намудани хизматрасонии модару қӯдак ҳангоми гирифтани муолиҷа ва пардохти иловагӣ ба кормандони соҳаи тибро дар бар мегирад.
Намояндаи доимии Бонки Ҷаҳонӣ Патрисия Виверс натиҷаҳои аввали ин лоиҳаро қаноатбахш арзёбӣ карда гуфт, ки барои татбиқи ин лоиҳа наздики 20 миллион доллар ҷудо шудааст.
Ҳоло дар ноҳияи Спитамени вилояти Суғд ин лоиҳа амалӣ мешавад ва дар аввали соли оянда дар ҳафт ноҳияи вилояти Хатлон ва Суғд роҳандозӣ мешавад.

Каромат Абдуллоев, масъули татбиқи ин лоиҳа дар ноҳияи Спитамен, ки дар ин ноҳия таҷрибаи аввали гузаронда шудааст, гуфт, ки дар доираи ин барнома дар баробари таъмиру хуб кардани хизматрасониҳои тиббӣ ҳамчунин, дар деҳаҳои дурдаст табибон бевосита ба манзили беморон рафта онҳоро табобат мекунанд.
Ба гуфтаи Абдуллоев, табибоне, ки дар ин лоиҳа кор мекунанд ғайр аз маоши худ барои чунин хизматрасонӣ маблағи иловагӣ мегиранд. Ин ҳам дар ҳолест, ки соҳаи тандурустӣ дар Тоҷикистон яке аз соҳаҳои баҳсбарангез дар масъалаи хизматрасонии тиббӣ дар ҷомеа боқӣ мемонад. Ин видео бидуни шарҳ аст.

свернуть