Lajme arkiva 2006
Shqipëria ka njoftuar zyrtarisht se ka bllokuar importin e shpendëve dhe produkteve të tyre nga vendet fqinje si masë parandaluese për gripin e shpendëve. Shfaqja e virusit H5N1 në Itali, Bullgari, Slloveni dhe Greqi ka sjellë ndalimin e importit të shpendëve dhe të produkteve të tyre nga këto vende.
“Për të parandaluar futjen e këtij gripi në vendin tonë është nxjerrë urdhri përkatës i ministrit sot më datën 14.2.2006 me anë të cilit bllokohet importi i shpendëve dhe produkteve të tyre nga të gjitha vendet e sipërpërmendura.”
Përveç gripit të shpendëve, një tjetër sëmundje ajo e aftës epizotike ka prekur Brazilit pas Turqisë dhe Argjentinës. Sipas një urdhri të ministrit të Bujqësisë është bllokuar mishi nga ky vend. Shqipëria importon nga Brazili rreth 1.500 tonë mish në vit.
Ndërkohë pas alarmit të gripit të shpendëve drejtuesit e Institutit të Kujdesit Veterinar shprehen se nga ekzaminimet e deritanishme nuk ka rezultuar asnjë rast me virusin H5N1. Specialistët japin disa këshilla për qytetarët nëse evidentohet rasti i gripit të shpendëve.
Mjeku: “Të zbatojnë rregullat e higjienës qoftë edhe ato minimale, pra një larje duarsh, zierje e mishit të shpendëve. Vezët që vijnë nga pulat e infektuara me virusin e influencës haviare gjithmonë kanë paraqitjen si të rrudhosura. Kështu që do të dalloheshin menjëherë. Megjithatë përpara se të vinte problemi tek vezët do të kishim ngordhje masive të shpendëve. Gjë që neve nuk e kemi evidentuar ende.”
Ndërsa për sa i përket rasteve të dy shpendëve të ngordhur në Tepelenë dhe Librazhd, sipas Ministrisë të Bujqësisë rezultojnë se janë goditur me armë zjarri dhe se nuk kanë të bëjnë me sëmundjen në fjalë./tvklan.al
Gazetar: Rezart Lahi
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
Ещё видео!