Lajme Arkiva 2005
Beti Njuma: Të marrësh një përgjigje zyrtare lidhur me vendndodhjen kur është larguar dhe kur do të kthehet kreu i qeverisë është një mision thuajse i pamundur. Burime konfidenciale pranë aeroportit ndërkombëtar, “Nënë Tereza”, pohojnë se kryeministri është larguar me një çarter dhe ka shfrytëzuar orët e vona të mbrëmjes, atëherë kur fluksi i udhëtarëve është fare i pakët. E pavarësisht pikëpyetjeve dhe shqetësimit lidhur me vendndodhjen e radhës të kreut të qeverisë një gjë është e sigurt. Zoti Nano është parë për herë të fundit në aeroportin ndërkombëtar “Nënë Tereza” duke ngjitur shkallët e një çarteri.
Ndonëse këmbëngulëm në Ministrinë e Rendit Publik nuk na dhanë asnjë përgjigje zyrtare se cilën pikë kufitare ka përdorur kryeministri Nano për të udhëtuar jashtë Shqipërisë.
Ne kemi shkuar sot në disa institucione të cilat mund dhe duhet të japin informacion lidhur me largimin e shefit të mazhorancës.
Burime zyrtare nga kryeministria pohojnë se kreu i qeverisë ndodhet jashtë vendit dhe ka një agjendë jo publike. Ndonëse prania e zotit Nano këto ditë në Shqipëri është mese e nevojshme të njëjtat burime thonë se kryeministri po ndjek me vëmendje situatën pas zgjedhore.
Në mungesë të kreut të saj, sot ka zhvilluar mbledhjen e radhës edhe Këshilli i Ministrave. Mbledhja ndër të fundit të këtij kabineti qeveritar është zhvilluar nën drejtimin e zv/kryeministrit, Namik Dokle.
Të njëjtin rezervim për stacionin e ri të zotit Nano ruajnë edhe strukturat e Partisë Socialiste në të cilat ndihet në të njëjtën masë mos prania e Nanos, ku në mungesë të kryetari selia rozë analizon rezultatet e 3 Korrikut.
Nën dekorin e stolisur të fushatës zgjedhore që ka mbaruar prej disa javësh edhe socialistët presin që kryeministri të kthehet./tvklan.al
Gazetare: Beti Njuma
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
