Արցախի Պաշտպանության բանակի զիծառայողները կարող են ծառայությունը շարունակել Հայաստանի զինված ուժերում, հայտարարել է Պաշտպանության փոխնախարար Արման Սարգսյանը՝ հավելելով, որ արցախցի զինծառայողներն իրենց մարտական փորձն ու գիտելիքները կարող են օգտագործել Հայաստանի զինված ուժերի ուժեղացման համար: ԱԺ պաշտպանության և անվտանգության հարցերի հանձնաժողովն այսօր դրական եզրակացություն է տվել նաև օրենքի նախագծին, որով նախատեսվում է մարտական գործողությունների ժամանակ կյանքին կամ առողջությանը պատճառված վնասի հատուցում ստանալու իրավունք ունեցող անձանց շարքում ներառել զինվորական պաշտոնի նշանակված զինվորական ծառայության մեջ չգտնվող անձանց:
