#bakı #metro #stansiya #yasamal #ramana #şıxov #zığ #inkişaf #başplan #azərbaycan #todaypress #todaypresstv #xəbərlər #sosial #siyasət #idman #maraqlı #iqtisadiyyat #faydalı #sonxəbər #gündəm #aktual #news #video
"Bakının Yeni Yasamal, Binəqədi, Yeni Ramana, Şıxov və digər bir sıra ərazilərinə metro xətlərinin çəkilməsi yaxın vaxtlar üçün nəzərdə tutulmayıb".
Bu barədə "Bakı Metropoliteni" QSC-nin Mətbuat Xidmətinin rəhbəri Bəxtiyar Məmmədov TodayPress-ə açıqlamasında bildirib.
Onun sözlərinə görə, Bakı şəhərinin baş planına, eyni zamanda , "Bakı Metropoliteni"nin inkişaf sxeminə əsasən, hazırda əsas layihə yaşıl, qırmızı xətlərin ayrılması və bənövşəyi xəttin inkişaf etdirilməsidir:
“Bu 2040-cı il üçün nəzərdə tutulan Bakı şəhərinin Baş planında da təsdiq olunub. Lakin bu plandan kənarda qalan iki xətt var. Sarı və mavi xətlər. Bu xətlər üçün nəzərdə tutulan layihənin də nə vaxt başlanacağı barədə dəqiq məlumat yoxdur. Onu da qeyd edim ki, yaşıl və qırmızı xətt layihələrinin ayrılmasının paytaxtın kənar ərazilərində nəqliyyat probleminin həllinə müsbət təsir göstərəcəyi proqnozlaşdırılır”.
Qurum rəsmisi Hövsan qəsəbəsinə metro xəttinin çəkilməsi ilə bağlı səsləndirilən fikirlərə də aydınlıq gətirib:
“Hövsan qəsəbəsinə metro xəttinin çəkilməsi nəzərdə tutulmayıb. Hövsan qəsəbəsi istiqamətində ən yaxın stansiya gələcəkdə qırmızı xəttin Zığ şosesi istiqamətində Cəmşid Naxçıvanski adına Hərbi Liseyin yaxınlığındakı ərazi olacaq”.
Bəxtiyar Məmmədov onu da əlavə edib ki, yaxın zamanlarda metroda ödənişləri bank kartları ilə etmək mümkün olacaq.
