Mënyra e keqe e të ushqyerit, abuzimi me cigare dhe alkool ka bërë që në vendin tonë të shtohet numri të sëmurëve në spitale. Numri i të prekurve nga sëmundjet e zemrës, tumoret apo edhe hipertensioni, në 5 vitet e fundit është rritur me 3 herë më shumë. Por, nëse do kryenim aktivitet fizik, situata thonë ekspertët, do ishte më mirë. OBSH ka publikuar një të dhënë aspak optimiste, në lidhje me kryerjen e ushtrimeve fizike, pasi 45% e popullsisë në Shqipëri ka raportuar, se nuk bëjnë fare fiskulturë. Në studim, në lidhje me aktivitetin fizik në popullatë u përfshinë banorët e 168 shteteve në botë, ku Shqipëria dhe Ballkani renditen në një nivel mesatarisht negativ. Sipas OBSH-së, në të gjithë botën më shumë se 1.4 miliard të rritur po e vënë veten në rrezik të lartë të sëmundjeve vdekjeprurëse, vetëm për shkak se nuk merren me sport. OBSH thekson, se një e treta e grave dhe një e katërta e meshkujve në mbarë botën janë në vijën e "rrezikut” për jetën, vetëm prej mungesës së aktivitetit fizik. Në studim sqarohet, se mungesa e aktivitetit të rregullt fizik ul rrezikun e dëmeve në shëndet, duke përfshirë sëmundjen kardiovaskulare, disa lloje të kancerit dhe diabetit, si dhe çrregullime të shëndetit mendor. OBSH rekomandon, që çdo i rritur të bëjë të paktën 150 minuta stërvitje “me intensitet të moderuar”, si ecje të shpejtë, çiklizëm, not çdo javë ose 75 minuta aktivitet intensive të drejtuar nga një profesionist.
------------------------------------------
IN Tv Albania
Follow us:
[ Ссылка ]
[ Ссылка ]
[ Ссылка ]
Offcial website:
[ Ссылка ]
