2001 թվականին «Ա1+»-ին տված հարցազրույցում ՀՀ արտգործնախարար Վարդան Օսկանյանը, խոսելով Քի Ուսեթում ձեռք բերված պայմանավորվածությունների մասին, հաստատում է, որ Մեղրիի տարբերակը բանակցային սեղանի վրա է։ Լաչինով Հայաստանն Արցախի հետ կապելու դիմաց Ադրբեջանը Մեղրիով կապ էր ստանում Նախիջևանի հետ։ Օսկանյանը նաև նշում է, որ «եթե մենք ստանում ենք Ղարաբաղի՝ մեզ համար ցանկալի կարգավիճակը, բոլոր օկուպացված տարածքները, բացի Լաչինից, պետք է վերադարձվեն»։
