ԱԺ «Իմ քայլը» խմբակցության պատգամավոր Անդրանիկ Քոչարյանն այսօր հայտարարել է, որ չի պատրաստվում ներողություն խնդրել ԱԺ նախկին փոխնախագահ, արդարադատության նախկին նախարար Արփինե Հովհաննիսյանից։
«Ոչ, ներողություն չեմ պատրաստվում խնդրել»,-ասել է նա ԱԺ-ում պատասխանելով լրագրողների հարցերին։
Հիշեցնենք, որ երեկ 1in.am-ին տված հարցազրույցում Անդրանիկ Քոչարյանը հայտարարել էր. «Արփինե Հովհաննիսյանը պետք է խոսի փաստերով․ իսկ պայմանական կարող է տալ իր մայրիկի և անհայտ հայրիկի անունները»։
Հայտարարությանը հաջորդեցին Քոչարյանին քննադատող, Հովհաննիսյանին սատարող բազմաթիվ հայտարարություններ։ Սոցցանցերում Անդրանիկ Քոչարյանին կոչ արեցին ներողություն խնդրել, նաև հրաժարվել մանդատից։ Քոչարյանի փոխարեն Արփինե Հովհաննիսյանից ներողություն խնդրեցին տղամարդ քաղաքական գործիչներ։ ՀՀԿ փոխնախագահ Արմեն Աշոտյանը հրապարակավ դիմել է ԱԺ նախագահին՝ պահանջելով պատասխանատվության ենթարկել տղամարդավայել պահվածքի և բարոյականության մասին մոռացած Անդրանիկ Քոչարյանին։
