Осы аптада Конституцияға өзгерістер мен толықтырулар енгізу туралы заңның жобасын бүкілхалықтық талқылау мерзімі аяқталады.
Ел Президенті бастамашылық жасаған конституциялық реформаға қоғамдағы қызығушылықтың деңгейі жоғары болғаны отырыста аталып өтті.
Конституциялық реформаны ел болып, 1 айға жуық мерзім бойы мұқият зерделеп, оған қатысты өз пікірлерімізді білдіріп келеміз.
Осы демалыста қоғамдық талқылау мерзімі тәмамдалады. Негізгі пікірлер қандай? Халықаралық тәжірибеде бар реформа біздің елге дәл қазір неге қажет?
Билік тармақтары арасында өкілеттіктерді бөлу жөнінде Президент алғаш рет былтыр желтоқсанның бел ортасында Тәуелсіздіктің 25 жылдығына арналған салтанатты жиында айтқан.
Елбасы: «Қазіргі заман талабына сай ілгері басу үшін өкілеттіктерді бөлу мәселесін қарастыру қажет», – деген сол жиында.
