موقتەدا سەدر لە بەڵێنەكانی پێشووی پەشیمان دەبێتەوە
سەدر لەژێر فشاری ئێراندا لەگەڵ لایەنە شیعەكان رێكدەكەوێت
موقتەدا سەدر، رێبەری ڕەوتی سەدر، تادێت زیاتر لە ئێران نزیكدەبێتەوە‌و لەگەڵ هێزە شیعەكان رێككەوتن دەبەستێت ئەوەش بەپێچەوانەی دروشمەكانی پێشووی كە بانگەشەی تێپەڕاندنی تائیفیەتی دەكرد، چاودێرانی سیاسی كۆكن لەسەر ئەوەی سەدر لە ژێر فشاری ئێراندا دەستی بەم جموجوڵەكانی كردوە.
موقتەدا سەرد، پیاوی ئاینی شیعە، كە چەند مانگێك لەمەوبەر بانگەشەی ئەوەی دەكرد كۆتایی بە حكومەتی تائیفی دەهێنێت و دروشمی عێراق لە پێش هەموو شتێكەوەیە بەرز كردەوە، بەڵام ئێستا لەگەڵ ئەو كوتلە شیعانەدا رێكدەكەوێت كە خاوەنی میلیشیای چەكدارین و لەلایەن ئێرانەوە هاوكاری دەكرێن.
لەم رێككەوتنەی نێوان شیعەكاندا بۆ پێكهێنانی حكومەتی نوێ ئێران رۆڵێكی گەورەی هەیە، راوێژكارە سەربازییەكانی و پیاوانی ئاینی ناردوە بۆ زیندوكردنەوەی هاوپەیمانی نێوان شیعەكان.
ئەوەش بەپێچەوانەی بانگەشەكانی موقتەدا سەدرەوەیەوە كە واخۆی دەردەخست كۆتایی بە هەژمونی ئێران دەهێنێت.
دوو سیاسی شیعە كە ئاگاداری گفتوگۆكانن بە ئەسیۆشیتد پرێسیان راگەیاندوە، هاوپەیمانی نێوان موقتەدا سەدر و هادی عامری سەرۆكی كوتلەی فەتح بەهۆی فشارە توندەكانی ئێرانەوە بووە، ئەوەش لەرێگەی قاسم سلێمانی فەرماندەی فەیلەقی قودس و كوڕەكەی عەلی خامنەیی، رێبەری باڵای كۆماری ئیسلامی ئێران بووە.
واسق هاشمی، پسپۆڕ لە كۆمەڵەی عێراقی بۆ توێژینەوەی ستراتیژی، دەڵێت ئەم هاوپەیمانییە ئەنجامی خواستەكانی ئێرانە لەسەر هێزە سیاسیەكان، لەبەرامبەردا هاوپەیمانی سوننە‌و كوردەكان دروست دەبێت، ئەوەش بەمانای گەڕانەوەیە بۆ تائیفیەت كە مەترسیەكی گەورەیە لەسەر عێراق.
رۆژی شەممە، سەدر لەگەڵ حەیدەر عەبادی رێككەوتنی راگەیاند، كە ئەمیش سەركردەیەكی شیعەیە‌و لەهەڵبژاردنی 12ی ئایاردا پلەی سێیەمی بەدەستهێناوە.
عەبادی دروشمەكانی هەڵبژاردنی پێكهاتبوون لەتێپەڕاندنی تائیفیەت و بەشداریكردنی سوننەكان لەپرۆسەی سیاسیدا.
سەدر لە هەڵبژاردندا 54 كورسی بەدەستهێناوە، لەگەڵ هاوپەیمانی فەتح 101 كورسیان هەیە، ئەوەش كەمترە لە رێژەی پێویستە بۆ پێكهێنانی حكومەت كە 165 كورسییە، بۆ ئەوەی بەو رێژەیە بگات پێویستی بەوەیە لەگەڵ سێ لایەنەكەی دیكەی شیعە رێكبكەوێت.
جەعفەری موسەوی، كەسایەتی سیاسی نزیك لەسەدر، دەڵێت راستیەكانی دوای هەڵبژاردن هۆكاربوو بۆ ئەوەی سائرون و فەتح هاوپەیمانی ببەستن.
چەند مانگێك لەمەوبەر سەدر بەستنی هاوپەیمانی لەگەڵ هادی عامری و حەیدەر عەبادی بە شتێكی قێزەون ناودەبرد، بەڵام ئێستا هاوپەیمانی لەگەڵ هەردوكیان بەستووە، سیاسیەكی نزیك لە عەبادی كە ئامادەنەبووە ناوی ئاشكرابكرێت، رایگەیاندوە ویستی ئێران لە پشت هاوپەیمانی میلیشیا شیعەكانەوەیە‌و بەوەش پەیامێكی بۆ ئەمریكا ناردوە بەوەی تا ئێستاشدا رۆڵ‌و هەژمونێكی گەورەی لە عێراق هەیە.→ website: [ Ссылка ]
→ Facebook: [ Ссылка ]
→ youtube: [ Ссылка ]
→ [ Ссылка ]
→ Instagram: [ Ссылка ]?
hl=enhttps://twitter.com/knncchannel
