Биыл тұрмысы төмен отбасыларға атаулы әлеуметтік көмек төлеуге бюджеттен 122,8 миллиард теңге бөлініп отыр
1 мамырдағы жағдай бойынша Қазақстанда жыл басынан бері 152,3 мың отбасына, барлығы 749,8 мың адамға атаулы әлеуметтік көмек тағайындалды.
Биыл осы мақсаттарға бюджеттен 122,8 миллиард теңге бөлінді, деп хабарлайды еңбек және халықты әлеуметтік қорғау министрлігі.
570,5 мың қазақстандыққа 1 мамырға атаулы әлеуметтік көмек автоматты түрде тағайындалды.
Айта кетсек, АӘК жан басына шаққанда орташа табысы ең төменгі күнкөріс деңгейінің 70%-інен аспайтын азаматтарға тағайындалады.
