Copyrighted by News24 Albania
Dalin pamjet e arrestimit të anëtarëve të grupit ‘Bajri’. Policia e Shtetit ka publikuar me video momente nga aksioni në Tiranë dhe Shkodër e Roterdam ku u vunë në pranga 11 anëtarë të grupit kriminal dhe u shpallën në kërkim dy të tjerë.
Në pamje shihen se një pjesë e grupit u ndalua teksa ishin duke luajtur bilardo në kryeqytet. Pjesë e këtij arrestimi është edhe Safet Bajri, i njohur ndryshe edhe si ‘i forti’ i Shkodrës. 34 vjeçari u vu në pranga dje në zonën e ‘Xhamllikut’ në Tiranë.
Mes të arrestuarve janë edhe ish portieri legjendar i Vllaznisë Armir Grima dhe ish portieri i Besëlidhjes Fabiol Rexhepi.
Operacioni i koduar ‘Oaz’ u realizua në Tiranë, Shkodër dhe Holandë. Finalizimi i operacionit erdhi pas një hetimi 6 mujor në bashkëpunim me organet holandeze.
Ndërkaq, operacioni ku u vunë në pranga 11 persona, ndërsa u shpallën në kërkim dy të tjerë, zgjati nga pasditja e djeshme deri orët e para të mëngjesit të sotëm.
Policia ka shpallur në kërkim Enver Bajrin, i cilësuar si 'koka e grupit'.
