ՙՄայր՚ հասկացությունը մեզանում մշտապես նվիրական է եղել: Հայրենիքը կոչում ենք Մայր հայրենիք, իսկ եկեղեցին` Մայր եկեղեցի: Ապրիլի 7-ին Հայ Առաքելական Եկեղեցին նշում է Սուրբ Մարիամ Աստվածածնի Ավետման տոնը, այդպես բարձրաձայնվում է նաև այն խորհուրդը, որ յուրաքանչյուր օր պետք է լինի ավետման օր: Ամենայն Հայոց Գարեգին Երկրորդ կաթողիկոսն օրը հռչակել է մայրերի և մայրության բերկրանքին սպասող կանանց օրհնության օր: Եկեղեցիներում մատուցվել է սուրբ պատարագ և կատարվել մայրերի օրհնության կարգ:
