Masallıda orta məktəblərin birində bədbəxt hadisə baş verib. Məktəbin idman zalında oynayan 9 sinif şagirdinin başına borunun düşməsi nəticəsində ciddi xəsarət alıb.
Bədbəxt hadisə 10 yanvar saat 12:30 radələrində Masallı şəhərinin 4 saylı Digah məktəbində baş verib. Belə ki, məktəbin 16 yaşlı şagirdi Əkbər Elman oğlu Ramazanov idman zalında oynayarakən ciddi xəsarət alıb. Yaxınlarının verdiyi məlumata görə məktəblinin xəsarət almasına səbəb, idman zalında futbol oynamaq üçün nəzərdə tutulan qapının üstündəki, borunun onun başına düşməsi olub.
Baş nahiyyəsindən ciddi xəsarət alan məktəbli dərhal Masallı Rayon Mərkəzi Xəstəxanasına yerləşdirilib. Hazırda məktəblinin vəziyyəti ağır qiymətləndirilir. Bu səbəbdən xəstəxanaya paytaxt Bakıdan həkim dəvət olunub. Faktla bağlı araşdırma aparılır.
