Իրաքում քաոս է: Հակակառավարական ցույցը իրավապահները այնպիսի ուժով են ճնշել, որ զարմացրել են արդեն ամեն ինչ տեսած իրաքցիներին: Կա առնվազն 90 զոհ, 4 հազար վիրավոր:
Ցուցարարները բողոքում են կոռուպցիայից, սոցիալական ծայրահեղ վատ վիճակից, պահանջում են վարչապետի հրաժարականը, որը, սակայն, համբերության կոչ է անում:
Զոհերի մեջ են ոչ միայն ցուցարարներ: Քաոսից օգտվել են անհայտ դիպուկահարներ, որոնք սպանել են երկու ոստիկանի: Փողոց են դուրս բերվել զինված ուժերը իրավիճակը արագ հանդարտեցնելու ու կրոնական հաշվեհարդարների փուլը կանխելու համար:
