الموده

انت ياللي تدعي لي بالمـوده
الموده خلهـا تبقى لاهلهـا
انت وش جابك لعشق ٍ منت قده
اترك حموله ترى منت بجملها
حبل وصلك تقطعـه والا تمـده
ميت الاحساس روحي ما يصلها
ليه عذرك كل يوم لـي تـرده
مابقى الا تقاسم العذرى خجلها
صدري من الهم جاه اللي يسده
مثل ماجا فرحتي حزن وقتلهـا
مابقى لك في خفوقي غير صده
تحتملها لا عسى مـا تحتملهـا


دوّر اكبر شي في بالـك وبـدّه
دور اقسى كلمة ٍ عنـدك وقلهـا
الدموع آخـر مداهـا للمخـده
عيب كفك يالضعيّف ما حملهـا



الموقع الرسمي للفنانة مشاعل
[ Ссылка ]

свернуть