Текст:
Нешто ќе те питам бабо
Нешто ќе те питам, бабо,
право да ми кажеш, /2
право да ми кажеш, бабо,
без да ме излажеш. /2
Кои војводи беа, бабо,
у вас на вечера, /2
дали Гоце Делчев, бабо,
или Даме Груев? /2
Кат ме питаш, абре аго,
право ќе ти кажа, /2
право ќе ти кажа, аго,
без да те излажа. /2
Ниту Гоце Делчев, аго,
ниту Даме Груев, /2
нај си беше, абре аго,
Тодор Александров,
Тодор Александров, аго,
с неговата чета.
Тука вечераја, аго,
и си заминаја, /2
и си заминаја, аго,
за Пирин планина. /2
(Знамето им беше, аго,
црно и црвено,
и на знаме пише, аго,
смрт или слобода,
смрт или слобода, аго,
за Македонија!)
