Azərbaycan Ordusunun Qarabağda həyata keçirdiyi lokal xarakterli antiterror tədbirləri zamanı şəhid olan və kimliyi sonra müəyyənləşdirilən tank komandiri gizir Yusif Məmmədrza oğlu Xəlilov dəfn olunub.
Şəhid gizir Yusif Məmmədrza oğlu Xəlilov 1983-cü ildə Lənkəran rayonunun Veravul kəndində anadan olub. Vətəninə bağlı olan Yusif 18 il Azərbaycan Silahlı Qüvvələrində xidmət edib və tank komandiri vəzifəsinə kimi yüksəlib. Şəhidimiz 2016 - cı ildə Aprel döyüşlərində iştirak edir, Lələtəpənin alınmasında qəhrəmanlıq göstərib və həmin döyüşlərdə yaralanıb. Buna baxmayaraq o hərbidə qalır və müddətdən artıq həqiqi hərbi xidmət, hərbi qulluqçusu (MAXE) orduda fəaliyyətini davam etdirir. Lələtəpənin azad olunmasında yaxından iştirak edib.
Sentyabrın 19 – da Azərbaycan Ordusunun Qarabağda həyata keçirdiyi lokal xarakterli antiterror tədbirləri zamanı Yusif Xəlilov yenə də qəhramanlıq göstərərək şəhidlik zirvəsinə ucalır. Bu gün tank komandiri gizir Yusif Xəlilovun cənazəsi doğulduğu Lənkəran rayonunun Veravul kəndinə gətirilib. Şəhidlə vida mərasimində rayon rəhbərliyi, Müdafiyə nazirliyini rəsmiləri,hüquq-mühafizə orqanları əməkdaşları, Səfərbərlik və Hərbi Xidmətə Çağırış üzrə Dövlət Xidmətinin əməkdaşları, ictimaiyyət nümayəndələri və şəhidin yaxınları iştirak ediblər. Hərbi arkesterin müşayəti ilə şəhid Lənkəran rayonunun Veravul kənd qəbiristanlığında torpağa tapşırılıb. Şəhidin tabutuna bükülən Dövlət Bayrağı onun iki azyaşlı qızına təqdim olunub. Qeyd edək ki, şəhid Yusif Xəlilov birgünlük antiterror tədbirləri zamanı şəhid olan və kimliyi sonradan müəyyənləşdirilən 6 hərbçidən biri idi. O, ailəli idi və iki qız övladı var.
