"Кәсіп Talks". Ақтөбеде осындай атаумен форум өтті. Ұлттық кәсіпкерлер палатасының тоғыз жылдығына орайластырылған шарада 200- ден астам кәсіпкер бас қосты. Жиынға арқау болған тақырып-бизнесті дамыту мәселелері. Бизнес сабақтарын үйренуге шағын дүкен, шаштараз, тігін шеберханасы иелерінен бастап ірі кәсіпкерлер де жиналды.Форумда еліміздің ірі компаниялары мен шетел нарығында бизнесін дөңгелетіп отырған серіктестік иелері кеңес беріп, тәжірибелерімен бөлісті. Бизнесін көк тиынсыз, нөлден бастаған ірі компания иелері де бар. Мәселен, Абай Сарқұловтың айтуынша, көпшілікке сауда-саттық саласы трамплин. Бірақ, базарда зат сататын саудагерлердің барлығы бірдей көтеріліп кетпейді. Өсудің бірден-бір жолы- қаржылық сауаттылық дейді. Стартап қаржыландырудың бірнеше көзі бар. Мемлекеттен несие алмай да кәсіп бастауға болады, дейді еліміздің белді бизнесмендері. Форум "нон стоп" режимінде өтті, яғни әр 20 минут сайын баяндама жасайтын сарапшы алмасып отырады. Форум аясында шеберлік сағаттары ұйымдастырылды. Мамандар келер жылы елімізде жас кәсіпкерлер саны өседі деген болжам жасап отыр. Бұған себеп-мемлекет басшысының жолдауында айтылған қолдау. Оларға жеңілдетілген тәртіппен жылдық өсімі 2,5 пайыз болатын шағын несие берілмек.Айта кетейік, қазір өңірімізде 73 мыңнан астам кәсіпкер мен өзін-өзі қамтығандар тіркелген. Статистика бойынша, бұл облысымыздың әр алтыншы тұрғыны дейді мамандар. Ақтөбе өңірлік кәсіпкерлер палатасы тоғыз жылдың ішінде кәсіпкерлердің 2000- ға жуық шағымын қараған. Олардың 63 пайызының мүддесін қорғадық, дейді.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
