Dünyanın ən çox sərvəti olan , Amazon şirkətinin qurucusu Jef Bezosun “ 2 Pizza Qaydası” adlı maraqlı bir yanaşması var : Onun fikrinə görə , “Bizim şirkətdə bir layihə qrupu üçün sifariş olunan 2 pizza yetərli deyilsə , deməli həmin qrup çox böyükdür”
Əksəriyyətimiz düşünürük ki , bir qrupda nə qədər çox insan olarsa o qrup bir o qədər məhsuldar olar . İşdə və ya universitetdə hansısa bir qrup layihəsində iştirak edirik. Əslində , bu məntiqli gəlir ki, bir qrupda nə qədər çox iştirakçı olarsa həmin qrup daha çox produktiv olur . Lakin , Ringelmann Effekti bunun tam əksini sübüt edir .
Ringelmann Effektinin mahiyyəti odur ki : Qrupda iştirakçıların sayı artdıqca , bu qrupda hər bir fərdin iş üçün səyləri,cəhdləri azalır .
Bu effekt nəinki bizim iş və təhsil həyatımızda eyni zamanda gündəlik həyat tərzimizdə də özünü göstərir. Məsələn , bu effektin təsiri ilə səhnədə çıxış edən insanı alqışlayan insanların sayı artıqca hər bir insan özü -özlüyündə daha zəif alqışlayır.Çünki süuraltısında düşünür ki, onun alqışlaması elə də böyük fərq yaratmır.
Hələ 1913 -cü ildə , Max Ringelmann adlı bir kənd təsərrüfatı üzrə bir mühəndis insanalar haqda qəribə bir davranışa şahid olur . Bu mühəndis ilkin araşdırmalarında 5 saniyə boyunca müxtəlif sayda iştirakçıları olan qrupların ip çəkmə ekpermentini edir.Birinci eksperimentdə 14 nəfər iştirakçı ayrı-ayrılıqda ipi çəkirlər, sonra 7 nəfərlik 2 qrupa bölünürlər , sonda isə 14 nəfər bir yerdə iştirak edirlər . Bu müddət ərzində həmin qruplar növbəli şəkildə ipi çəkirlər və bu zama hər bir iştirakçının ipi çəkərkən verdiyi gücü dinamometr adlı bir cahazla ölçülür . Nəticələr isə kifayət qədər maraqlı olur , cihazın qeydə aldığı nəticələrə görə ipi tək çəkən iştirakçılar ortalama olaraq 85.3 kq güc ağırlığı tətbiq edirlər , 7 və 14 nəfərlik qruplarda isə bir nəfərə düşən orta güc müvafiq olaraq 65 və 61 kq təşkil edir .Yəni qrupda iştirakçı sayı artdıqca hər insanın sərf etdiyi güc aşağı düşür .
Bəs insanların belə bir davranış dəyişikliyi etməsinin səbəbləri nələrdir? Birinci növbədə , istənilən bir qrupda insan sayı artdıqa , hər bir insan fərd olaraq düşünür ki , onun qrupa verdiyi fayda artıq azalır və o , psixoloji olaraq artıq daha az güc sərf etmiş olur . İkinci nüans isə , komanda üzvləri digər üzvlərin daha az cəhd etdiyi hiss edir və bu da onlarda demotivasiya yaradır ,sonda da ümumi komanda olaraq bütün qrup üzvləri daha az səy göstərmiş olur . Məsələnin üçüncü tərəfi isə odur ki , qrupda insanların sayı artıqca ,hər bir insanın işə sərf etdiyi güc kənardan demək olar ki, az hiss edilir .Məsələn qrupda 7 nəfər varsa , üzvlərdən biri psixoloji olaraq düşünürü ki , “ Mən var gücümlə də çalışam , sonda qrup rəhbəri bunun fərqində olmayacaq” . Təbii ki , bu vəziyyət həmin insanda həvəsdən düşməyə gətirib çıxarır və o potenisalıın aşağısında çalışır . Buna görə də , qrupda üzvlər arasında Ringelmann təsirinin baş verməməməsi üçün , həm qrup üzvlərinin sayı lazimi qədər olmalıdır , həm də hər bir üzvün qrupda öz məsuliyyəti və rolu olmalıdır ki , sonda qrup rəhbəri tərəfindən hesabat apara bilinsin ,yəni ölçülə bilən olsun .
---------------------------------------------------------------------------------------------------------------------------------------------------------------Animasiyanın hazırlanmasında istifadə etdiyimiz proqram: [ Ссылка ]
Bizim animasiya xidmətimiz üçün əlaqə: [ Ссылка ]
-----------------------------------------------------------------------------------------------------------------------------------------------------------------
Mətn və Səsləndirmə müəllifi : Kamran Tağıyev
Animasiya müəllifi : Nigar Murtuzova
